༡
འཛམ་གླིང་ཕ་སྐད་ཀྱི་ཉིན་མོ་ནི་ཟླ་༢པའི་ཚེས་༢༡ཉིན་ལ་གཏན་འབེབས་བྱས་ཡོད། དེ་ནི་སྐད་ཡིག་འཛིན་སྐྱོང་བྱེད་ཆེད་ཡིན། སྤྱི་ལོ་༡༩༩༩ལོར་གཏན་འབེབས་བྱས་པ་དང་། དང་པོའི་དུས་སྟོན་དེ་སྤྱི་ལོ་༢༠༠༠ལོར་བཙུགས་པ་ཡིན། དེ་ལ་བརྩི་སྲུང་བྱེད་པ་ནི་མི་རིགས་སུ་ལའང་འགན་ཡོད་དོ།།
༢
ད་སྐབས་ཀྱི་རང་མི་རིགས་ཀྱི་སྐད་ཡིག་ནི་འཇིག་ཉེན་གྱི་སེམས་ཁྲལ་གྱི་ཁྲོད་དུ་ལུས་པའི་སྐད་ཡིག་ཅིག་ཡིན་ལ། དེ་ནི། མཁས་པའི་དབང་པོ་རྣམས་འཇིག་རྟེན་དང་ཁ་གྱེས་ཤིང་། གཞོན་ནུ་མང་པོ་ཞིག་ཡིག་རྨོངས་སེལ་ཙམ་ཡོད་པ་ལས་རིག་པའི་གནས་ལ་བྱང་ཆ་ཆེར་མེད་པ། རང་ཡིག་བཀོལ་བར་དེ་ཙམ་དགའ་བོ་མེད་པ་དེ་རེད།
༣
ད་སྐབས་འུ་ཅག་གི་སྐད་ཆའི་ཁྲོད་དུ་ཞིབ་འཇུག་བྱས་ཚེ་སྐད་ཆའི་བརྒྱ་ཆ་རེ་འགའ་གཞན་སྐད་དུ་གྱུར་ཡོད་པ་དེ་ཡིན། དེ་ཡང་། ལོ་རིམ་བཞིན་གཞན་སྐད་ཀྱིས་ཟིན་པའི་བརྒྱ་ཆ་ཇེ་མང་དུ་སོང་བ་ལྟ་བུ་རེད། དཔེར་ན་ལོ་གཅིག་ནས་བཅོ་བརྒྱད་བར་གྱི་སྐད་ཆའི་བརྒྱ་ཆ་60.61%རང་སྐད་ཀྱིས་ཟིན་ཡོད་ཅིང་། བརྒྱ་ཆ་21.7%གཞན་སྐད་ཀྱིས་ཟིན་ཡོད་པ་ལྟ་བུ་རེད། ༼ བརྒྱ་ཆ་གཞན་དག་སྦྱོར་ཀློག་དང་སྔགས་ཡིག་སོགས་སུ་འདུ ༽ འདི་ནི་ད་ལྟའི་ཞིབ་འཇུག་གི་གནས་ཚུལ་ཙམ་ཡིན་པ་ལས་གཏན་ཁེལ་བྱེད་མི་རུང་།
༤
ང་ཚོ་ཡིག་ནོར་ལ་སྐྲག་གོ་ཞེས་བཤད་པ་ནི་ཉེན་ཁ་ཆེ་བའི་ལས་ཤིག་ཡིན་པས་དེར་བཞའ་ཐབས་བྱེད་པ་ནི་གློས་ལས་ཤིག་ཏུ་མཐོང་། ང་ཚོས་ཅིས་ཀྱང་རང་གི་སྐད་ཡིག་ལ་ངོ་ཚ་དང་འཇིགས་སྐྲག་གིས་འཇུག་པར་མི་བྱེད་པར། རང་ཉིད་ཁོ་ནར་དབང་བའི་དངོས་པོ་ཞིག་ལྟར་བཀོལ་དགོས་པ་གནད་ཀྱི་དམ་པའོ།།
༥
མེས་པོ་ཚོས་ཚེ་སྲོག་གིས་བསྲུང་བའི་རིག་གནས་འདི། ད་ལྟ་ང་ཚོའི་ལག་ཏུ་ཡོད་པ་ནི་ཀུན་གྱིས་ངོ་ཟིན་དགོས། དེ་ནི་ཆེད་དུ་གཞན་གྱིས་བཙན་པོ་བྱས་ནས་སྤྲད་པ་མ་ཡིན་པར་རང་ཉིད་མི་རིགས་གང་དེའི་རིག་གནས་འཛིན་སྐྱོང་སྤེལ་གསུམ་བྱེད་རྒྱུ་ནི་རང་ཉིད་མི་རིགས་གང་དུ་སྐྱེས་པའི་ཉི་མ་དེ་ནས་འགན་བབས་པ་ཞིག་ཡིན།
༦
ཁྱེད་ལ་སྐད་ཡིག་སྲུང་བའི་ནུས་པ་མེད་དོ་སྙམ་པར་མ་བྱེད་ཅིག ང་ཚོར་རུ་བས་རུ་ཐུབ་དང་། ཡུལ་བས་ཡུལ་ཐུབ་ཅེས་པའི་དཔེ་བཞིན། མི་རིགས་ཀྱི་ཆེད་དུ་སྐུ་སྲོག་ཕུལ་བའི་དྲིན་ཆེན་ཚོའི་རྔུལ་ཆུའི་ཡོང་འབབ་དེ་དག་ང་ཚོས་འཚོ་བའི་ནང་དུ་བཀོལ་ཞིང་སྤྱོད་ཐུབ་ན། དེ་ཡང་འགན་ཁུར་སྟངས་ཤིག་ཡིན་པས། ཁྱེད་ཀྱིས་གཏན་འབེབས་བྱས་ཟིན་པའི་བོད་ཀྱི་ཐ་སྙད་རེ་རེ་འཚོ་བའི་ནང་ལ་བཀོལ་རོགས་ཞུའོ།།
༧
སྙིང་ཉེ་བ་དག ཁྱེད་ཚོས་ད་སྐབས་སྦྲགས་སྐད་ཀྱི་རོ་ལངས་ཆེན་པོ་ཞིག་རྒྱག་བཞིན་པ་འདིར་དོ་སྣང་བྱེད་ཀྱིན་ཡོད་དམ། གལ་ཏེ་ཁྱོད་ཉིད་རང་ལ་སྙིང་ཉེ་ན་《传统图解词典》① 《汉藏英辞典》② 《现代藏语对照词典》③ སྙི་ཆས་འདི་དག་ཁ་པར་ནང་དུ་ཕབ་ལེན་བྱས་ནས་སྦྲགས་སྐད་ཉུང་ངུར་གཏོང་རོགས་ཞེས་པ་དེ་ཡིན། བཀའ་དྲིན་ཆེ།
༢༠༢༥-༢-༢༡ལ་ཕུལ།
རྩོམ་སྒྲིག་པ། དོན་འགྲུབ་རྡོ་རྗེ།