རྫོགས་ཆེན་མཁན་པོ་ཀུན་བཟང་བདེ་ཆེན་ལགས་ཀྱི་ཤེར་འགྲེལ་དེབ་གསར་འགྲེམ་སྤེལ།

WechatIMG88.jpg

རྫོགས་ཆེན་ཤྲཱི་སེང་ཆོས་གྲྭ་ཆེན་མོའི་མཁན་པོ་ཀུན་བཟང་བདེ་ཆེན་ལགས་ཀྱིས་བརྩམས་པའི་དེབ་གསར་༼  ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་གྱི་འགྲེལ་བ་དོན་གསལ་གྱི་ཚིག་དོན་རྒྱ་ཆེར་བཤད་པ་ལུང་དང་རིགས་པའི་གཏེར་མཛོད་༽ཅེས་པ་གླེགས་བམ་གཉིས་འགྲེམ་སྤེལ་གནང་བར་རྟེན་འབྲེལ་ཞུ། 

WechatIMG87.jpg


སྔོན་འགྲོའི་སརྒ། 

{༡} གཞུང་འདི་མགོ་མཚན་དོན་དང་བར་གཞུང་དོན་མཇུག་དགེ་བསྔོ་བཅས་ཆ་ཚང་བ།  

{༢} གཞུང་རྩ་བ་སྐབས་བབ་དང་བསྟུན་ཏེ་བར་མཚམས་སུ་བཅུག་པ་ལས་ལོགས་སུ་ཚིག་ལ་འགྲེལ་བརྒྱབ་མེད་པ། 

{༣} འགྲེལ་བ་དོན་གསལ་ལ་ཚིག་དོན་གཉིས་ཆར་གྱིས་འགྲེལ་བཤད་རྒྱ་ཆེར་བྱས་པ། 

{༤} ཀུན་མཁྱེན་བོད་སྤྲུལ་གྱི་ས་བཅད་ལ་གཞི་བཅོལ་ཏེ་རང་གིས་གསར་སྣོན་གྱིས་ས་བཅད་ཞིབ་རྒྱས་སུ་བྱས་པ།

 {༥} གཞུང་འདིར་མཐའ་དཔྱད་ལྔ་བཅུ་རྩ་གསུམ་ཡོད་པས་ཤེར་ཕྱིན་གྱི་གཞུང་ལྟ་ཀློག་བྱེད་པ་དག་ལ་འཐུས་ཚང་གི་ཆ་རྐྱེན་འཛོམས་པ།

{༦} རྩ་འགྲེལ་གྱི་ཚིག་རྣམས་ཆེ་ཆུང་གིས་མི་འཁྲུགས་པར་བྱས་པ་དང་གོར་ཐིག་གིས་རྟགས་བརྒྱབ་སྟེ་ལྟ་ཀློག་ལ་སྟབས་བདེར་བྱས་པ།

{༧} སློབ་དཔོན་ཆེན་པོ་ཆོས་བཤེས་ཀྱི་ཚིག་གསལ་ལ་གཞན་གྱིས་དགག་པར་བྱས་ཀྱང་། ཀུན་གཟིགས་གཞན་ཕན་སྣང་བས་འཐད་ཕྱོགས་སུ་བཟུང་བས་ཁོ་བོས་རང་ལུགས་སུ་བཞག་ཅིང་གཞན་གྱི་དགག་པར་ལན་བཏབ་པ།

{༨} ཤེར་ཕྱིན་གྱི་གཞུང་ལ་ལོ་འགར་འཆད་ཉན་བྱས་པའི་དན་རྟགས་དང་མི་བརྗེད་ཟིན་ཐོ་རུ་བཀོད་པའམ། ཡང་ན་རང་དང་སྐལ་བ་མཉམ་པའི་ཕྱི་རབས་ཀྱི་གྲོགས་པོ་དག་ལ་ཕན་དུ་རེ་བའི་ཀུན་སློང་གིས་བྱས་པ་བཅས་སོ། །

1031740633204_.pic_hd.jpg

རྩོམ་པ་པོའི་སྐུ་པར།  

WechatIMG89.jpg

ཁོ་བོས་ལོ་འགར་འབད་པས་བསགས་པའི་འབྲས་བུ་སྟེ་ཤེས་རབ་ཀྱི་ཕ་རོལ་ཏུ་ཕྱིན་པའི་འགྲེལ་བ་འདི་ཡོངས་སུ་ལེགས་པར་གྲུབ་སོང་།

འདི་ནི་ང་རང་ནང་བསྟན་ཆོས་རིག་གི་ཞབས་རྗེས་བསྙེགས་པའི་དན་རྟགས་ཡིན་ལ་མི་ཡུལ་འདིར་བཞག་པའི་ཟས་རིན་ཡིན། 

འདི་ནི་ང་རང་དྲིན་གྱིས་བསྐྱངས་པའི་ཕ་མ་དང་དམ་པ་ཚོར་མཆོད་པ་ཡིན་ལ་མི་རབས་ཕྱི་མ་དག་ལ་ཕུལ་བའི་ལེགས་སྐྱེས་ཡིན།

1001740633024_.pic_hd.jpg

ང་ནི། སྒང་དྲུག་རི་བོའི་ནང་ཚན་འབྲི་ཟླ་ཟལ་མོ་སྒང་གི་སའི་ཆར་གཏོགས་མདོ་ཁམས་རྫོགས་ཆེན་སྡེ་བར་སྐྱེས། {༢༠༠༣} སྔ་འགྱུར་བསྟན་པའི་ཆུ་འགོ་གྲུབ་དབང་རྫོགས་ཆེན་པའི་གདན་ས་ཨོ་རྒྱན་བསམ་གཏན་ཆོས་འཁོར་གླིང་གི་ཚོགས་གྲལ་དུ་ཞུགས། {༢༠༡༡} གངས་ལྗོངས་མཁས་པའི་འབྱུང་གནས་རྫོགས་ཆེན་ཤྲཱི་སེང་ཆོས་གྲྭར་སློབ་ཞུགས་བྱས་ཤིང་དགེ་བའི་བཤེས་གཉེན་མང་པོའི་མདུན་ནས་སློབ་སྦྱོང་གི་སྐལ་བ་ཐོབ།

{༢༠༡༨} རྨད་དུ་བྱུང་བའི་སྐལ་བཟང་ལེགས་སྐྱེས་སེང་ཧ་བྷ་དྲའི་རྒྱུགས་འཕྲོད་ཀྱི་དཔང་རྟགས་ཐོབ་ཅིང་དུས་མཚུངས་སུ་སྐྱོར་དཔོན་གྱི་ལས་དོན་བྱས། {༢༠༢༢} བོང་བར་གསེར་གཟིགས་ཀྱིས་མཁན་པོའི་མཚན་གནས་ཐོབ་ཅིང་དེ་ནས་ད་བར་དད་མོས་ཀྱིས་དྲངས་བའི་ཨུ་ཚུགས་ཟབ་མོས་སྔོན་བྱོན་དམ་པ་མང་པོའི་ལེགས་བཤད་གླེགས་བམ་ལ་དགའ་ཚོར་དྲག་པོས་བདེན་དོན་འཚོལ་བའི་རེ་འདུན་ལ་སྙེག་བཞིན་གནས་སོ། །

རྩོམ་སྒྲིག་པ།  དོན་འགྲུབ་རྡོ་རྗེ།