རྐེད་པ་སྦོམ་པོ་དང་ཤ་རྒྱགས་པ་ཚོ་ལ་སྲིད་ཇུས་འདི་འདྲ་འདོན་རྒྱུ་རེད།

WechatIMG2919.jpg

ཚེས་དགུ་ཉིན་གྱི་ཕྱི་དྲོར། སྐབས་བཅུ་བཞི་པའི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་གྲོས་ཚོགས་ཐེངས་གསུམ་པའི་གསར་འགོད་པའི་ཚོགས་འདུ་འཚོགས་ཤིང་། རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་གྱི་ཀྲུའུ་རེན་ལེ་ཧའེ་ཁྲའོ་ཡིས་གཟུགས་པོའི་ལྗིད་ཚད་དོ་དམ་ལོ་འཁོར་གྱི་བྱ་སྤྱོད་ལ་མུ་མཐུད་དེ་སྐུལ་འདེད་བཏང་ནས། བདེ་ཐང་གི་འཚོ་བ་སྐྱེལ་སྟངས་ཁྱབ་གདལ་གཏོང་རྒྱུ་ཡིན་ཞེས་བཤད་པ་རེད།

ལེ་ཧའེ་ཁྲའོ་ཡིས། མིག་སྔར་ཀྲུང་གོའི་མི་སེར་གྱི་བདེ་ཐང་ལ་གནོད་འཚེ་གཏོང་བའི་ཉེན་ཁའི་རྒྱུ་རྐྱེན་དང་ནད་རིགས་གཙོ་བོ་ནི་འགོས་ནད་མིན་པའི་དལ་བའི་ནད་རིགས་ལས་བྱུང་བ་དང་། དལ་བའི་ནད་རིགས་སློང་བའི་རྒྱུ་རྐྱེན་མང་པོ་ཞིག་ཚང་མའི་བྱ་སྤྱོད་དང་འཚོ་བ་སྐྱེལ་སྟངས་དང་། བཟའ་བཏུང་། ལུས་རྩལ་སྦྱོང་བརྡར་བཅས་དང་འབྲེལ་བ་དམ་ཟབ་ཡོད། དཔེར་ན། གཟུགས་པོའི་ལྗིད་ཚད་རྒྱུན་ལྡན་མིན་པའི་གནད་དོན་ལྟ་བུ་རེད་ཅེས་བཤད། 

WechatIMG2916.jpg

གཟུགས་པོའི་ལྗིད་ཚད་རྒྱུན་ལྡན་མིན་པ་དེས་ཁྲག་ཤེད་མཐོ་བ་དང་གཅིན་སྙི། སྙིང་དང་ཀླད་པའི་ཁྲག་རྩའི་ནད།  མཆིན་པ་ཚིལ་འགྱུར་བཅས་འབྱུང་སྲིད། ཐ་ན་འབྲས་སྐྲན་ཁག་ཅིག་ཀྱང་གཟུགས་པོའི་ལྗིད་ཚད་རྒྱུན་ལྡན་མིན་པ་དང་འབྲེལ་བ་ངེས་ཅན་ཡོད། ཚང་མས་རང་ཉིད་ཀྱི་བདེ་ཐང་གི་གཙོ་བོར་འཛིན་རྒྱུ་ཤིན་ཏུ་གལ་ཆེན་པོ་རེད།

ལེ་ཧའེ་ཁྲའོ་ཡིས། འབྲེལ་ཡོད་དལ་ནད་སྔོན་འགོག་ཚོད་འཛིན་དང་གཟུགས་པོའི་ལྗིད་ཚད་དོ་དམ་ཐད་འགོག་བཅོས་ཟུང་འབྲེལ་བྱ་རྒྱུར་མཐོང་ཆེན་བྱས་ནས། སོ་སོའི་ཁམས་དང་བསྟུན་པའི་ཞབས་ཞུ་མཁོ་འདོན་བྱ་དགོས། མི་ལ་ལའི་རྐེད་པ་སྦོམ་དྲགས་པ་དང་། གཟུགས་པོའི་ལྗིད་ཚད་ཚད་ལས་བརྒལ་བ། ཐ་ན་གཅོང་ནད་ཀྱང་ཕོག་ཡོད། དེར་ཆེད་ལས་སྨན་པ་དང་ཆེད་ལས་སྨན་བཅོས་ལས་ཁུངས་ཀྱི་རོགས་རམ་མཁོ། ང་ཚོས་སྨན་བཅོས་འཕྲོད་བསྟེན་སྒྲིག་གཞིར་གཟུགས་པོའི་ལྗིད་ཚད་ཀྱི་སྒོ་བསྟེན་སྨན་ཁང་འཛུགས་རྒྱུར་ཁྲིད་སྟོན་བྱས་ནས། གཟུགས་པོའི་ལྗིད་ཚད་ཀྱི་གནད་དོན་གྱི་དཀའ་ངལ་ཐེབས་པའི་མི་ཚོར་ཆེད་ལས་ཀྱི་བློ་འདྲིའི་ཁོར་ཡུག་དང་སྟེགས་བུ་ལེགས་པོ་ཞིག་མཁོ་འདོན་བྱ་རྒྱུ་ཡིན། ཚང་མས་རང་ཉིད་ཀྱི་འབད་བརྩོན་དང་ཆེད་ལས་སྒྲིག་གཞི་མི་སྣའི་རོགས་རམ་འོག་གཟུགས་པོའི་ལྗིད་ཚད་ལ་དོ་དམ་ཡག་པོ་བྱས་ནས་བདེ་ཐང་ངང་འཚོ་བ་སྐྱེལ་ཐུབ་པར་ཡིད་ཆེས་ཡོད་ཅེས་བཤད།

རྩོམ་སྒྲིག་པ། དོན་འགྲུབ་རྡོ་རྗེ།