༧ དཔལ་རྒྱལ་མཆོག་ཀརྨ་པའི་སྐུ་ཡི་འཁྲུངས་སྐར་ལ་སྙན་མོ་གླུ་ཡི་མཆོད་པ་འབུལ།
སྐྱབས་རྗེ་དཔའ་བོ་རིན་པོ་ཆེ་ནས་བསྟོད་ཚིག་ཕུལ།
གདངས། འཇམ་བྷེ།
གཞས་མཁན། གཡང་ཕྱུག་མཚོ།
རོལ་མོ། ཇོ་ཤཱ་ཁར་པཎ་ཋར། ཝང་ལེ་ཐིང་།
རོལ་མོ་སྡེབ་སྒྲིག Billdisc
ཀརྨ་པ།
གངས་དཀར་གྱི་་སེང་གེ་ཞིག།
རྔམ་བརྗིད་དང་མཆེ་སྡེར་རྒྱས། །
སུ་ལའང་མི་འཇིགས་པར། །
སྤོབས་སེམས་ཀྱི་གཡུ་རལ་རྒྱས། །
རྩལ་ལྡན་གྱི་སྟག་མོ་ཞིག།
འཛུམ་དྲུག་གི་རི་མོ་མཛེས། །
དཔའ་རྩལ་དང་ངར་ཁ་བཙན། །
ཞུམ་མེད་ཀྱི་སྙིང་སྟོབས་རྒྱས། །
བསིལ་ལྗོངས་ཀྱི་གཞོན་ནུ་ཞིག།
བློ་གྲོས་ཀྱི་གཤོག་ཟུང་བརྐྱངས། །
འཛམ་གླིང་གི་མཁའ་ལ་འཕུར། །
མི་བུ་འདི་ཀརྨ་པ། །
༄༅།།ཀརྨ་པའི་ཞབས་བརྟན་གསོལ་འདེབས།
རྒྱལ་ཀུན་སྙིང་རྗེའི་རང་གཟུགས་ཀརྨ་པ།།
རྒྱལ་ཀུན་ཕྲིན་ལས་གཅིག་བསྡུས་ཀརྨ་པ།།
རྒྱལ་ཀུན་གདུང་འཚོབ་དབང་བསྐུར་ཀརྨ་པ།།
ཨོ་རྒྱན་འགྲོ་འདུལ་ཕྲིན་ལས་ཞབས་བརྟན་གསོལ།།