མི་དགེ་བ་བཅུ་སྤོང་བའི་སྟེང་དུ། 1.མ་ལ་མའི་འདུ་ཤེས་བཟུང་ནས་གུས་བཀུར་བྱ་བ། ༢. ཕ་ལ་ཕ་ཡི་འདུ་ཤེས་བཟུང་ནས་གུས་བཀུར་བྱ་བ། ༣. དགེ་སྦྱོང་དང་བྲམ་ཟེ་ལ་དེ་ཡི་འདུ་ཤེས་བཟུང་ནས་གུས་བཀུར་བྱ་བ། ༤ རིགས་མཐོ་བ་དང་རྒན་རབས་ལ་གུས་བཀུར་བྱ་བ། ༥.དྲིན་ཅན་གྱི་མི་ལ་དྲིན་ལན་འཇལ་བ། ༦.གཞན་ལ་གཡོ་སྒྱུ་བྱས་ནས་མགོ་སྐོར་མི་གཏོང་བ་བཅས་བཅུ་དྲུག་ཡིན་པར་གསུངས་ལ། ཡང་འདྲེན་ཚུལ་གཞན་ཞིག་སྟེ། སྔར་བོད་རྒྱལ་སྲོང་བཙན་སྒམ་པོས་གཏན་འབེབས་མཛད་པའི་ཁྲིམས་སྲོལ་དོན་ཚན་བཅུ་དྲུག་ནི། ༡.ལྷ་དཀོན་མཆོག་གསུམ་ལ་མོས་གུས་བསྐྱེད་པ། ༢.དམ་པའི་ཆོས་བཙལ་ཞིང་བསྒྲུབ་པ། ༣.ཕ་མ་ལ་དྲིན་ལན་འཇལ་བ། ༤.ཡོན་ཏན་ཅན་ལ་ཞེ་མཐོང་ཡོད་པ། ༥.རིགས་མཐོ་བ་དང་རྒན་པར་བཀུར་སྟི་ཆེ་བ། ༦.ཡུལ་མི་ཁྱིམ་མཚེས་ལ་ཕན་གདགས་པ། ༧.བཀའ་དྲང་ཞིང་སེམས་ཆུང་བ། ༨.ཉེ་དུ་མཛའ་བཤེས་ལ་གཞུང་རིང་བ། ༩.ཡ་རབས་ཀྱི་རྗེས་བསྙེག་ཅིང་ཕྱི་ཐག་རིང་བ། ༡༠.ཟས་ནོར་ལ་ཚོད་འཛིན་པ། ༡༡སྔར་དྲིན་ཅན་གྱི་མི་རྩད་གཅོད་པ། ༡༢.བུ་ལོན་དུས་སུ་འཇལ་ཞིང་བྲེ་སྲང་ལ་གཡོ་མེད་པ། ༡༣.ཀུན་ལ་ཕྲག་དོག་ཆུང་བ་། ༡༤.ངན་པའི་གྲོས་ལ་མི་ཉན་ཞིང་རང་ཚུགས་འཛིན་པ་། ༡༥.ངག་འཇམ་ཞིང་སྨྲ་བ་ཉུང་བ། ༡༦ཐེག་པ་ཆེ་ཞིང་བློ་ཁོག་ཡངས་པ་བཅོས་སོ། །
