1. སྨན་གྱི་བསྟེན་ཚུལ་དང་འཛེམས་བྱ་ཤེས་དགོས། ལྷག་པར་དུ་མཆིན་དུག་རང་བཞིན་གྱི་སྨན་བསྟེན་པར་ཅིས་ཀྱང་གཟབ་དགོས། སྨན་བསྟེན་དུས་གཟབ་ནན་གྱིས་སྦྱོར་ཚད་དང་བཅོས་ཡུན་ལྟར་འཐུང་དགོས། དཔེར་ན།ཉིན་རེར་ཡའེ་ཤན་ཨེམ་ཅའེ་ཧྥུན་ཁེ་གཉིས་ལས་འཐུང་མི་རུང་།
2. མཆིན་པའི་བྱེད་ནུས་མི་བཟང་བའི་ནད་པ་ཡིས་མཆིན་པར་གནོད་སྐྱོན་ཆུང་བའི་སྨན་དང་། ཡང་ན་མཁལ་མར་ཕྱིར་ཕུད་གཏོང་བའི་སྨན་རྫས་འདེམས་དགོས། སྨན་མ་འཐུང་བའི་སྔོན་དུ་སྨན་རྫས་ཀྱི་གསལ་བཤད་ཡི་གེའི་ཐོག་གི་སྨན་མི་འཕྲོད་པའི་གནས་ཚུལ་དང་འཛེམ་བྱ། མཉམ་འཇོག་བྱེད་ཡུལ་སོགས་ལས་མཆིན་པའི་བྱེད་ལས་རྒྱུན་ལྡན་མིན་པས་བཀོལ་བར་གཟབ་དགོས་མིན་ནན་ཏན་གྱིས་ཀློག་དགོས། གལ་ཏེ་གསལ་པོ་མི་ཤེས་ན། སྨན་མ་བསྟེན་སྔོན་ཆེད་ལས་སྨན་པར་འདྲི་བརྩད་བྱ་དགོས།
3. གལ་ཏེ་རེ་བ་མེད་ན་སྨན་མི་འདྲ་བ་མཉམ་འཐུང་མ་བྱས་ན་བཟང་། རྒྱུ་མཚན་ནི་སྨན་མཉམ་འཐུང་བྱས་ན་མཆིན་པར་ལྷག་དུ་གནོད་སྐྱོན་ཐེབས་སྲིད། སྨན་འཐུང་བའི་སྐབས་སུ་ཡང་ཆང་དང་། འཚིག་ཇ། ཇ་གར་པོ་སོགས་འཐུང་མི་རུང་། རྒྱུ་མཚན་ནི་སྨན་རྫས་ཀྱི་མཆིན་དུག་རང་བཞིན་ཇེ་ཐུར་གཏོང་བས་སོ།།
4. མཆིན་པར་གནོད་པའི་སྨན་འཐུང་སྐབས་སུ་དུས་ཚོད་གཏན་འཁེལ་ལྟར་མཆིན་པར་བརྟག་དཔྱད་བྱས་ཏེ། སྨན་མི་འཕྲོད་པའི་གནས་ཚུལ་བྱུང་ཚེ་དེ་མ་ཐག་སྨན་པར་བཤད་དགོས། སྨན་ཚང་མར་དུག་ནུས་ངེས་ཅན་ཞིག་ཡོད་པས།དུས་རྒྱུན་འཚོ་བའི་ཁྲོད་གང་འདོད་ལྟར་འཐུང་མི་ཉན། རབ་ཡིན་ན་ཆེད་ལས་སྨན་པའི་མཛུབ་སྟོན་འོག་དུས་ལྟར་དང་ཚད་གཞི་ལྟར་འཐུང་དགོས། མཆིན་པར་གནོད་སྐྱོན་བྱུང་ཚེ་དུས་ལྟར་སྨན་བཅོས་བྱ་དགོས།
མི་འདི་ལྔའི་རིགས་ཀྱིས་སིལ་དམར་ཟ་མི་རུང་།
སིལ་དམར་ནི་མི་མང་པོས་ཟ་རྒྱུར་དགའ་བའི་ཟས་རིགས་ཤིག་ཡིན།དེ་ལ་ཅུང་མཐོ་བའི་འཚོ་བཅུད་ཀྱི་ནུས་པ་ལྡན་པས། མིའི་ལུས་ཕུང་གི་རིམས་འགོག་བྱེད་ནུས་དང་། ནད་འགོག་ནུས་པ་ཇེ་ཆེར་གཏོང་ཐུབ་པ་མ་ཟད། ད་དུང་མཆིན་པར་སྲུང་སྐྱོབ་དང་། ཁྲག་གསབ་རླུང་གསོ་བཅས་ཀྱི་ནུས་པ་ལྡན། སྤྱིར་སིལ་དམར་ནི་ཡག་པོ་ཡོད་མོད། འོན་ཀྱང་མི་འདི་ལྔའི་རིགས་ཀྱིས་ཉུང་ཙམ་ཟ་དགོས་ཏེ།
1. གཤེར་ཚ་ཅན་གྱིས་ཟ་མི་རུང་། སིལ་དམར་ལ་མཚེར་པ་གསོ་བའི་ནུས་པ་ཡོད་པས་ཕོ་བ་སྦོས་པའི་མི་ཡིས་ཟ་མི་རུང་བ་མ་ཟད། གཤེར་ཚ་ལྕི་མོ་ཅན་དང་། ལྕེ་སེར་ཁ་དྲི་ཅན་གྱིས་ཀྱང་ཟ་མི་རུང་།
2. སོ་རུལ། སོ་ན་བ། གློ་ལུ་རྒྱག་པ་བཅས་ཀྱིས་ཟ་མི་རུང་སྟེ། སིལ་དམར་གྱི་རོ་ཤིན་ཏུ་མངར་བས། མང་པོ་ཟས་ན་གཉན་གཅོག་རློན་འབྲུམ་བསྐྱེད་ནས་ནད་གཞི་ཇེ་སྡུག་ཏུ་འགྲོ་ངེས།
3. གཅིན་སྙི་ཟ་ཁུའི་ནད་ཕོག་མཁན། སིལ་དམར་གྱི་ཀ་རའི་བཅུད་ཧ་ཅང་མཐོ་བས། གཅིན་སྙི་ཟ་ཁུ་ཕོག་མཁན་གྱིས་སིལ་དམར་དང་སིལ་དམར་གྱི་ཞོར་ཟས་ཟ་མི་རུང་། དེ་ལྟར་མ་བྱས་ན་གཅིན་སྙི་ཟ་ཁུའི་ནད་གཞི་ཇེ་སྡུག་ཏུ་འགྲོ་ངེས།
4. བུད་མེད་ཟླ་མཚན་ཆུ་སྐྲངས་ཅན། བུད་མེད་ལ་ཟླ་མཚན་འབབ་པའི་སྐབས་སུ་ཟླ་མཚན་ཆུ་སྐྲངས་ཅན་གྱི་གནས་ཚུལ་ཡོད་ཚེ་སིལ་དམར་ཟ་མི་རུང་། སིལ་དམར་མང་པོ་ཟས་ཚེ་སྐྲང་པ་སྔར་ལས་ཇེ་སྡུག་ཏུ་འགྲོ་ངེས།
5. ལུས་ཁམས་ཚ་སྐམ་ཅན་གྱི་བུད་མེད་ཀྱིས་ཟླ་མཚན་འབབ་སྐབས་ཟ་མི་རུང་། ཟླ་མཚན་ཡོང་ཚད་ལས་བརྒལ་ནས་བདེ་ཐང་ལ་གནོད་ངེས།
སྨན་ཅི་ལྟར་ཟས་ན། མཆིན་པར་གནོད། ཚེ་ཐག་ཇེ་ཐུང་ལ་འགྲོ།
སྨན་གྱིས་ནད་གཞི་གསོ་བ་དང་དུས་མཚུངས་སུ། དུག་ནུས་ཀྱང་ཞོར་ལ་ཐོན་གྱིན་ཡོད། སྨན་རྫས་ནི་གཙོ་བོ་མཆིན་པ་ནས་བརྗེ་ཚབ་དབྱེ་ཕྲལ་བྱེད་ཀྱི་ཡོད་པས་དེ་ལས་ཐད་ཀར་མཆིན་པར་ཕོག་ནས་མཆིན་པའི་ཕྲ་ཕུང་སོགས་ལ་གནོད་སྐྱོན་ཚབས་ཆེན་བཟོས་ཏེ། མཆིན་ཁམས་ཇེ་ཞན་དུ་གཏོང་། མཆིན་པར་གནོད་པའི་སྨན་རྫས་རིགས་ཆེ་གྲས་བཅུ་ལ་ངོས་འཛིན་ཡང་དག་བྱས་ནས། ཡང་དག་པའི་ཐབས་ཀྱིས་མཆིན་པར་གནོད་སྐྱོན་མི་ཡོང་བ་བྱ་དགོས།
མཆིན་པར་གནོད་སྐྱོན་ཚབས་ཆེན་བཟོ་བའི་སྨན་རྫས་བཅུ།
1.ཚ་གཅོག་ཟུག་འཇོམས་ཀྱི་སྨན། ཡའེ་ཤན་ཨེམ་ཅའེ་ཧྥུན། པོའུ་ལོ་ཧྥིན་སོགས་ཙན་གཟུགས་མ་ཡིན་པའི་ཚད་འགོག་སྨན་གྱིས་མཆིན་པར་གནོད་སྐྱོན་བཟོ་ངེས། ཉིན་རེར་ཡའེ་ཤན་ཨེམ་ཅའེ་ཧྥུན་ཁེ་གཉིས་དང་ཨ་སི་ཕི་ལིན་ཁེ5ལས་བརྒལ་ཚེ་མཆིན་པར་གནོད་སྐྱོན་བཟོ་ངེས།
2. རིམ་འགོག་གཞི་རྒྱུ། ནད་ཐོག་སྨན་བཅོས་ལ་དུས་རྒྱུན་རིམ་འགོག་སྨན་གྱིས་ནད་དུག་ཕྲ་མོ་གསོད་འགོག་བྱེད་མོད། འོན་ཀྱང་དེས་མྱུར་གཤིས་མཆིན་ཚད་དང་། གློ་བུར་རང་བཞིན་གྱི་མཆིན་པའི་བྱེད་ལས་ཉམས་པར་བྱ་ངེས། དཔེར་ན།སི་ཧན་སོའུ་དང་། ལི་མི་སི་སོགས་ལྟ་བུ།
3. འཇུ་བྱེད་མ་ལག་གི་སྨན། ལི་ནའེ་ཐེ་ཏན། ཞི་མེ་ཐེ་ཏན་སོགས་ཀྱིས་མཆིན་དུག་ཕོགས་སྲིད། ཞི་མེ་ཐེ་ཏན་ཟོས་པས་མཆིན་ནུས་ཤོར་བ་དང་མཆིན་ཚིལ་ཅན་དུ་འགྱུར་བ། ཚབས་ཆེའི་མཆིན་ཚད་ཀྱི་ནད་གཞི་འབྱུང་བའང་སྐབས་རེར་མཐོང་རྒྱུ་ཡོད།
4. ཀླད་སྙིང་ཁྲག་རྩའི་ནད་ཀྱི་སྨན། རྒྱུན་མཐོང་གི་སྨན་ལ་ཧྥ་ཧ་ལིང་དང་ཨེན་ཏེན་ཐུན་ཐ་ཏིང་རིགས་ཀྱི་སྨན་བསྟེན་པས་མཆིན་པར་གནོད་སྐྱོན་འབྱུང་གི་ཡོད་ལ། ནད་པ་ཁ་ཤས་ཀྱིས་ཨེན་ཏེན་ཐུན་འཐུང་བ་ཡིས་ཨེམ་མའེ་ཇེ་མཐོར་སོང་སྟེ། དལ་བའི་རང་བཞིན་གྱི་མཆིན་ནད་སློང་བར་བྱེད།
5. ཀ་ར་འབེབས་པའི་སྨན། ཀུ་ལེ་ཆི་ཐུ། ཀི་ལི་ཐུན་སོགས་ཀ་ར་འབེབས་པའི་སྨན་གྱིས་མཆིན་པར་གནོད་སྐྱོན་བཟོ་བ་མ་ཟད། མཆིན་ནུས་མི་བཟང་བས་ཀུ་ལི་ཆི་ཐུ་ཁྱབ་ཚུལ་ལ་ཤུགས་རྐྱེན་ཐེབས་ཏེ། ཕུ་ཐོའོ་ཐང་གི་སྐྱེད་ནུས་དམའ་རུ་གཏོང་ཐུབ། དེའི་རྐྱེན་གྱིས་མཆིན་ནུས་མི་བཟང་བ་དང་གཅིན་པ་མངར་འགྱུར་གྱི་ནད་པ་ཡིས་ཡང་དག་སྒོས་སྨན་བསྟེན་རྒྱུ་གལ་ཆེ།
6. འབྲས་སྐྲན་རིམས་འགོག་སྨན། ལི་ཙོ་ཕུའུ་ལིན་གྱིས་མཁྲིས་སེར་གྱི་ནད་རྟགས་སློང་བ་དང་།ཅཱ་ཨན་ཏའེ་ལིན་གྱིས་མཆིན་པ་སྲ་མཁྲེགས་ཅན་དུ་འགྱུར་སླ་བ་མ་ཟད། སའོ་ལེ་མེ་སུའུ་ཡིས་མཆིན་པར་གནོད་སྐྱོན་ལྕི་མོ་ཕོགས་པར་བྱེད།
7. སྨྱོ་ནད་རིམས་འགོག་སྨན། རྒྱུན་མཐོང་སྨྱོ་ནད་རིམ་འགོག་སྨན་ལའོ་པིན་ཆིན་གྱིས་མཆིན་པའི་ནང་མཁྲིས་ཁུ་བསགས་ནས་པགས་འབྲུམ་ཐོན་པ། ཚ་དྲོད་སྐྱེད་པ། མཁྲིས་སེར་དང་འཇུ་ལམ་གྱི་ནད་རྟགས་ཐོན་པར་བྱེད་ཅིང་། ཚབས་ཆེ་ན་མཆིན་ནུས་ཉམས་པའང་བཟོ་སྲིད།
8. གློ་ཚད་རིམས་འགོག་སྨན། ལི་ཧྥོ་ཕིན་དང་ཡའེ་ཡན་ཅིན་གཉིས་ཀས་མཆིན་པར་གནོད་སྐྱོན་བཟོ་བ་དང་། གལ་ཏེ་དེ་གཉིས་མཉམ་དུ་བསྲེས་ནས་འཐུང་ནས་མཆིན་དུག་ནུས་པ་ཇེ་ཆེར་འགྲོ།
9. འདོད་བསྐྱེད་ཀྱི་སྨན་དང་སྦྲུམ་འགོག་སྨན། ཅཱ་ཏེ་ཡོན་ཏུང་། ཡའེ་ནའོ་ཐུན། ཆའེ་ཚི་ཁྲོན་སོགས་ཀྱི་སྦྲུམ་འགོག་སྨན་འཐུང་ཚེ། མཁྲིས་སེར་གྱི་ནད་གཞི་སློང་ཞིང་མཆིན་པའི་བྱེད་ནུས་ལ་གནོད་སྐྱོན་ཐེབས།
10. སྤུ་ལྡན་ཁྲག་གཅོད། སྒ་ཚུར་དྭ་བ་ཡིས་མཆིན་པར་སྤྱིར་བཏང་གི་གནོད་སྐྱོན་བཟོ་བ་དང་། སྨན་བུ། བ་རུ་ར་ཡིས་མཆིན་དུག་རང་བཞིན་གྱི་མཆིན་ཚད་སློང་བར་བྱེད་ཅིང་། བྱི་རུག་སེར་པོ། ཤུ་དག་དཀར་ནག་གིས་མཆིན་པར་སྐྲན་ནད་ཕོགས་སྲིད། །
རྩོམ་སྒྲིག་པ། དོན་འགྲུབ་རྡོ་རྗེ།