༢༠༡༩ རབ་གནས་ས་ཕག་ལོའི་རྫོགས་ཆེན་ཤྲཱི་སེང་ནཱ་ལེནྡྲའི་ལོ་མཇུག་གི་རྒྱུགས་སྤྲོད་ཆེན་མོ།
བསྟན་པ་ཡོངས་རྫོགས་སྔ་འགྱུར་རྫོགས་ཆེན་པ།།
གངས་རིའི་རྒྱན་གཅིག་ཤྲཱི་སེང་ཆོས་གྲྭ་ཆེ༎
སྐུ་ཁྲག་དྲོན་མོའི་ཟུངས་ཀྱིས་གསོས་པ་ཡི༎
ཁྱད་འཕཊ་མཛད་པ་བསྐྱངས་ཁྱེད་རིང་བཞུགས་གསོལ། །
རྟོགས་ལྡན་བླ་མ་བློ་གྲོས་རྒྱ་མཚོས།
དུས་ཀྱི་མཐའ་རུའང་གངས་ཅན་ཤར་ཕྱོགས་སུ། །
ཡོངས་རྫོགས་རྒྱལ་བསྟན་འཛིན་ཅིང་སྤེལ་བ་ལ། །
རྒྱ་ཆེན་ཐུགས་བསྐྱེད་རྨད་དུ་བྱུང་བ་ཡི། །
ལུང་རྟོགས་ཆོས་ཀྱི་ཉི་མར་གསོལ་བ་འདེབས། །
དྲི་རྒྱུགས།
མཁན་ཆེན་ཁྲི་བ་པདྨ་འཇམ་དབྱངས་མཆོག
འཆད་རྒྱུགས་སྤྲད་པའི་ཡུལ་ངོས།
རྒྱུགས་ར་དང་པོ་མངོན་པ་འོག་མ་དང་རིགས་གཏེར་གཉིས་པ་རིག་གནས་གཉིས་པ་བཅས་ཀྱི་རྒྱུགས་ཞུགས་པ་དང་རྒྱུགས་ར་གཉིས་པ་རྣམ་འགྲེལ་འཛིན་གྲྭ་དང་མངོན་པ་གོང་མ་གཉིས་ཀྱི་རྒྱུགས་ཞུགས་པ། རྒྱུགས་ར་གསུམ་པ་དབུ་མ་གོང་འོག་དང་ཕར་ཕྱིན་གོང་མ་འདུལ་བ་འཛིན་གྲྭ་བཅས་ཀྱི་རྒྱུགས་ཞུགས་པ། རྒྱུགས་ར་བཞི་པ་ཕར་ཕྱིན་འོག་མ་རིགས་གཏེར་དང་པོ་བློ་རྟགས་དང་པོ་རིག་གནས་དང་པོ་བཅས་ཀྱི་རྒྱུགས་ཞུགས་པ་བཅས་སོ།།
རྩོད་རྒྱུགས།
ཆོས་གྲྭའི་དབུ་མ་གོང་མའི་དམ་བཅའ་པ་རྣམས་ལ་མངོན་པ་གོང་མ་དང་དབུ་མ་འོག་མས་བརྒལ་རྟགས་མཛད་པ་དང་ཕར་ཕྱིན་འོག་མའི་དམ་བཅའ་པ་རྣམས་ལ་ཕར་ཕྱིན་གོང་མ་དང་མངོན་པ་འོག་མས་བརྒལ་རྟགས་མཛད་བཞིན་པའི་ཡུལ་ངོས།
འཛིན་གྲྭ་སོ་སོའི་རྒྱུགས་འབྲས་ཕུལ་བྱུང་སློབ་མར་བྱ་དགའི་རིམ་པ་དང་ཀུན་སྤྱོད་ཕུལ་དུ་བྱུང་བའི་སློབ་མ་རྣམས་ལ་ལོ་མཇུག་གི་གཟེངས་རྟགས་གནང་བ།
སྙན་གྲགས་གདུགས་དཀར་གཅིག་གིས་ས་སྟེང་ཀུན། །
མངོན་མཐོར་བྱེད་པ་གྲུབ་དབང་རྫོགས་ཆེན་པ། །
ཡབ་སྲས་བརྒྱུད་པར་བཅས་པའི་ཞབས་ཀྱི་རྡུལ། །
ས་གསུམ་ཀུན་དགར་བྱེད་པས་ཤིས་གྱུར་ཅིག །
འཇམ་མགོན་མི་ཕམ་པས།
དཔལ་ལྡན་མཁས་གྲུབ་བྱེ་བའི་གཙུག་གི་རྒྱན། །
མདོ་སྔགས་ལུང་རྟོགས་བསྟན་པའི་ཤིང་རྟ་ཆེ། །
འཇིགས་བྲལ་སྔ་འགྱུར་རྒྱལ་བ་རྫོགས་ཆེན་པ། །
ཤྲཱི་སེང་ཆོས་གྲྭའི་བསྟན་པ་རྒྱས་གྱུར་ཅིག །
ཁྱབ་བདག་རྫོགས་ཆེན་པ་པདྨ་སྐལ་བཟང་གིས།
རྩོམ་སྒྲིག་པ། དོན་འགྲུབ་རྡོ་རྗེ།