གནས་སོང་མཛའ་མོ།
ཚིག རྡོ་རེད།
དབྱངས། རྡོ་རེད།
ལེན་མཁན། རྡོ་རེད།
མ་འཕྲད་ལོ་གསུམ་ལ་བྲལ་བའི། །
རང་སེམས་གནས་སོང་གི་མཛའ་མོའི།།
འཛུམ་པའི་མཛེས་ཀོང་གི་མངར་ཁ།།
དབུས་མཇལ་ལམ་བུ་ནས་གནང་བྱུང་།།
མཇལ་བ་ལྷོ་བགྲོད་དང་བྱང་བགྲོད།།
སྤྲིན་དཀར་རླབས་ཕྲེང་དང་མཚུངས་པ།།
ཡིད་མཐུན་མཛའ་མོ་ཡི་ཞལ་རས།།
ཉ་གང་ཟླ་བ་དང་འདྲ་འདུག།
དུང་བའི་ལག་སྦྲེལ་གྱི་་ལྷག་བསམ།།
སྙིང་གི་དཀྱིལ་འཁོར་ལ་འཐིམ་སོང་།།
སྐད་ཅིག་ཞལ་མཇལ་གྱི་སྤྲོ་སྣང་།།
ཞིམ་མངར་སྦྲང་རྩི་ལས་ལྷག་པ།།
སྙིང་གཏམ་གཙང་བོ་ཡི་རྦ་རླབས།།
སེམས་པའི་སྒོ་མོ་རུ་འཕྱོ་ལ།།
དྲན་གདུང་སྐྱོ་གཞས་ཀྱི་འགྱུར་ཁུགས།
རྣ་བའི་བུ་ག་རུ་འཁོར་སོང་།།
དགུན་གྱི་ལྷག་རླུང་དེ་ངར་བས།།
མཁའ་མཐའི་སྐར་མ་དེ་རབ་རུབ།།
གནས་སོང་མཛའ་མོ་ལ་དུང་བའི།།
མི་རྐྱང་སེམས་པ་དེ་སྐྱོ་སྐྱོ།།
མི་མངོན་བརྩེ་དུང་གི་མདའ་མོ།།
སྐྱོ་བའི་གཞུ་མོ་རུ་བཀུག་དུས།།
མི་རིང་མཇལ་འཕྲད་ཅིག་འབྱུང་བར།།
མཉམ་དུ་སྨོན་འདུན་ཞིག་ཞུས་སོང་།།